→ భగభగ మండే సూర్యుడి ప్రభావంతో చందమా మ పైకి నీరు వచ్చి చేరిందని శాస్త్రవేత్తలు తాజాగా గుర్తించారు. 

 

→జాబిల్లి ధూళిని విశ్లేషించి, ఈ మేరకు తేల్చారు. చందమామ చాలా పొడిగా, ధూళి గోళంలా కనిపిస్తుంది. 

 

→అయితే ఊహిం చినదాని కన్నా అక్కడ ఎక్కువ పరిమాణంలోనే నీరు ఉండొ చ్చని ఇటీవలి పరిశోధనలు సూచిస్తున్నాయి. 

 

→అది సరస్సులు, సాగరాల రూపంలో కాకుండా.. శాశ్వతంగా నీడలో ఉండే బిలాల్లో మంచుగడ్డ రూపంలో నిక్షిప్తమై ఉండొచ్చని వివరిస్తు న్నాయి. 

 

→ఆ నీరు గ్రహశకలాలు, భూమి నుంచి వచ్చి ఉండొ చ్చని విశ్లేషణలు చెబుతున్నాయి. సూర్యుడి నుంచి కూడా రవాణా అయ్యి ఉండొచ్చన్న వాదన ఉంది. 

 

→నిజానికి భానుడిలో నీరు ఉండదు. అక్కడి నుంచి వచ్చే గాలిలో హైస్పీడ్ హైడ్రో జన్ అయాన్ల వల్ల చంద్రుడిపై నీరు ఏర్పడి ఉండొచ్చని శాస్త్ర వేత్తలు పేర్కొన్నారు. 

 

→చైనాకు చెందిన చెంగేశ్ వ్యోమనౌక తీసుకొచ్చిన నమూనాలను తాజాగా విశ్లేషించినప్పుడు దీనికి సంబంధించిన ఆధారాలు లభించాయి. 

 

→చంద్రుడి రేణువుల్లో హైడ్రోజన్, డ్యుటీరియంల నిష్పత్తిని శాస్త్రవేత్తలు పరిశీలిం చారు. అవి సౌరగాలుల నుంచి వచ్చినట్లు దీన్నిబట్టి నిర్ధారిం చారు. 

 

→ఆ పవనాల ద్వారా చంద్రుడి మీదకు హైడ్రోజన్ ఆయాన్లు చేరి ఉంటాయని పరిశోధకులు తెలిపారు. 

 

→ఆ రేణువులు.. చంద్రుడి ఖనిజ ఆక్సైడ్లను తాకిన ప్పుడు వెలువడే ఆక్సిజన్ తో బంధాన్ని ఏర్పరిచి ఉంటాయని వివరించారు. 

 

→ఫలితంగా నీరు ఉత్ప త్తయి ఉంటుందని సిమ్యులేషన్ల ఆధారంగా విశ్లేషిం చారు. చంద్రుడి శీతల ప్రాంతాల్లో అది నిక్షిప్తమై ఉండొచ్చని శాస్త్రవేత్తలు పేర్కొన్నారు.