బ్రెజిల్ మాజీ అధ్యక్షుడు జైర్ బోల్సొ నారో మద్దతుదారులు ఇటీవల రాజధాని బ్రసీలి యాలో సృష్టించిన అల్లర్లపై అధ్యక్షుడు లూలా డా సిల్వా ప్రభుత్వం చర్యలు చేపట్టింది. 

 

ఇందులో భాగంగా దేశ ఆర్మీ చీఫ్ జనరల్ జూలియో సిజర్ డె అర్రుడాను పదవి నుంచి తొలగించింది. 

 

ఈ మేరకు   ఆదేశాలు జారీ చేసినట్లు ఆ దేశ ఆర్మీ అధికారిక వెబ్సైట్ వెల్లడించింది. 

 

జూలియో స్థానంలో జనరల్ టొమస్ మిగ్యూల్ రెబెరో పైవాను నియమించినట్లు పేర్కొంది. 

 

సైన్యంలోని కీలక వ్యక్తులే అల్లరి మూకలను రాజధానిలోకి అను మతించారన్న ఆరోపణలు రావడంతో ఈ చర్యలు తీసుకొన్నారు.

 

 ఇటీవల జరిగిన అధ్యక్ష ఎన్నికల్లో లూలాకు 50.9 శాతం ఓట్లు లభించగా.. బోల్సొనా రోకు 49.1 శాతం ఓట్లు వచ్చాయి. ఎన్నికల ఫలితా లను అంగీకరించేందుకు బోల్సొనారో నిరాకరించారు. 

 

 ఈ క్రమంలోనే ఈ నెల 8న వేలసంఖ్యలో ఆయన మద్దతుదారులు భద్రతా వలయాలను ఛేదించుకొని దేశ రాజధానిలోని కీలక భవనాల్లోకి చొరబడ్డారు. 

 

 సైన్యం జోక్యం చేసుకొని బోల్సొనారోకు అధికారం అప్పజెప్పాలని డిమాండ్ చేశారు. భద్రతా బలగాలు రంగంలోకి దిగి వారిని చెదరగొట్టాయి.