భారత సైన్యం మరియు ఉజ్బెకిస్తాన్ సైన్యం మధ్య జరిగే ద్వైవార్షిక శిక్షణ వ్యాయామం డస్ట్‌లిక్ (DUSTLIK) యొక్క నాల్గవ ఎడిషన్ ఫిబ్రవరి 21 నుండి 5 మార్చి, 2023 వరకు ఉత్తరాఖండ్‌లోని పితోరాఘర్‌లో నిర్వహిస్తున్నారు.

 

ఈ ద్వైపాక్షిక వ్యాయామంలో వెస్ట్రన్ కమాండ్‌లో భాగమైన 14వ బెటాలియన్, ది గార్వాల్ రైఫిల్స్ ద్వారా భారత బృందం ప్రాతినిధ్యం వహిస్తుంది. అలానే ఉజ్బెకిస్తాన్ సైన్యం నుండి నార్త్ వెస్ట్రన్ మిలిటరీ డిస్ట్రిక్ట్ యొక్క దళాలు ప్రాతినిధ్యం వహిస్తున్నాయి. ఈ ఉమ్మడి వ్యాయామం ఐక్యరాజ్యసమితి ఆదేశం మేరకు ఉప సంప్రదాయ దృష్టాంతంతో ఇరు దేశాల మధ్య సైనిక సామర్థ్యాన్ని పెంపొందించడమే లక్ష్యంగా జరుగుతుంది.

 

రిపబ్లిక్ ఆఫ్ ఉజ్బెకిస్తాన్ మధ్య ఆసియాలోని భూపరివేష్టిత దేశం. ఈ దేశానికి పడమర, ఉత్తరాన కజకస్తాన్, తూర్పున కిర్గిజ్ స్తాన్, తజికిస్తాన్, దక్షిణాన ఆఫ్ఘనిస్తాన్, తుర్కమేనిస్తాన్ దేశాలు సరిహద్దులుగా ఉన్నాయి. దీని రాజధాని నగరం తాష్కెంట్. ప్రస్తుత ఉజ్బెకిస్తాన్ అధ్యక్షుడు షావ్కత్ మిర్జియోయెవ్.