→ఆఫ్రికాలో మరో సైనిక తిరుగుబాటు జరిగింది. అధ్యక్షుడు అలీ బాంగో (64)ను గబోన్‌లో సైనికులు గృహ నిర్బంధంలోకి తీసుకొని అధికారాన్ని హస్తగతం చేసుకున్నారు. 

 

→దేశ సరిహద్దులను మూసివేశారు. కొత్త పాలకుడిగా జనరల్‌ బ్రైస్‌ క్లొటైర్‌ ఒలిగు గుయేమాను ఎన్నుకున్నారు. 

 

→ఇటీవల జరిగిన ఎన్నికల్లో అలీ బాంగో 64 శాతం ఓట్లతో నెగ్గారు. అయితే ఈ ఎన్నికలు స్వేచ్ఛగా జరగలేదని తిరుగుబాటు చేసిన సైన్యం ఆరోపించింది. 

 

→అలీ బాంగో కుటుంబం 55 ఏళ్లుగా గబోన్‌ను పాలిస్తోంది. అలీ తండ్రి ఉమర్‌ బాంగో 1967 నుంచి 2009 వరకు అధ్యక్షుడిగా ఉన్నారు. 

 

→అధికారం చేజిక్కించుకున్నామని సైనికులు జాతీయ టెలివిజన్‌లో ప్రకటించగానే ప్రజలు వీధుల్లోకి వచ్చి తిరుగుబాటుకు సంఘీభావం తెలిపారు.